مش عارف ليه الكل غيران وبيتمرد ضدى , حاجة غريبة والله , رحت امبارح اشترى شنطة جديدة تواكب المرحلة الجديدة اللى انا فيها , التخرج بقى والاحساس ان الواحد هيكون ليه قية اكتر من كده فى الحياة ما بعد التخرج انشاء الله , المهم الشنطة كانت فخمة وغاليه من حيث القيمة المعنوية بيها وبالدور اللى ممكن هتقوم به بخصوص شغلى كباحث اجتماعى والكنوز اللى هتكون فيها من ادوتى البحثية والصحفية والكتب وخلافه , قعدت اتغدى جنب مكتبى عادتى المفضلة انى اكل او اشرب جنبه , وقعدت اتكلم ودخلت فى حوار مع نفسى كده بينى وبين الشنطة , قولتلها ايه ياترى الدور الجديد اللى هتقومى بيه الفترة اللى جايه , افكر والشنطة قدامى عمالخ بتحضرنى , حاطط فيها كل حاجة متوقعه ورق كتب اْقلام ... جميل انك تحس ان الشنطة اللى بتلبسها ليها معنى خاص فى حياتك العملية والشعورية ؟؟ ياترى شنطتك بتمثلك اْيه ؟؟ الشنطة القديمة اللى اتقطعت فى ايام الجامعة كان تاريخ بين عهدين فى حياتى .. التفوق والتاْلق والاشراق .. اللى اللقاء يا شنطتى القديمة .
الغريبة لاقيت ان مكتبى هو كمان طمعان , غيران واشمعنى هيا , قولت اشوفه البيه عايز اْيه , اسمعوا بقى المطالب طمعان هو كمان فى ادوات مكتبية من سمير وعلى تحديدا واخصصه ميزانية اكبر من السنة اللى فاتت , تشيل الصورة الكئيبة اللى معلقه فوقى , تخيلوا بيتمرد ضدى اللوحه اللى فوقه مكتوب عليه ابيات شعر للشاعر ابو الطيب المتبنى اللى بتقول :
اذا غامرت فى شرف مروم .. فلا تقنع بما دون النجوم
فطعم الموت فى امر حقير ..كطعم الموت فى اْمر عظيم
وتجبلى صورة للطيفة اشمعنى انت بتحبها !! , وعلى الرغم انى متابع دوريات كتيرة , تجبلى لفه العصر وسلسله عالم المعرفة والعربى كامله , مش تفوت عدد كده ولا كده بحاجة انهم مش بتوع اجتماع , الغريب انى عندى اكتر من 30 عدد من عالم المعرفه ومتابع لمدة 3 سنين مجلة العربى , نفذت الطلبات غصب عنى !! وبقيت متابع جيدا , هو سكت ولا البيه كان عايز مكتبه اشمعنى انا كان عندى نصف حلوه ..بصراحة عنده حق فى الحتة ده شكل المكتب عندى غريب جدا كتب فوقيه وتحته وجنبه الراجل يا حول الله اتخنق ؟؟ ..خلصت من مكتبى طلعلى موبيلى وقصة اشمعنى هما , قولت انت كمان جات عليك , اتفرجوا كارت شحن بـ 20 جنيه ووش جديد وميداليه عليها حرف و جراب ولقيت الدؤلاب هو كمان يااااااااااااه انا كده هتجنن يا جماعه الميزانية مش هتكفى قولت الشهر الجاى , بصيت لقيت الكاسيت بتاعى اشمعنى انا كمان .. عايز ام بى ثرى , قولتله اْوكيه , عشان خاطر لطيفة والشغل وعالم الصحافة اللى انت مصر تدخله وحبى للاذاعة البى بى سى والاهرام مفيش مشاكل , كده بقى انا خلصت المرتب الصغنون ..ياترى انا بقول الكلام ده ليه , عشان عمرو بيعمل عمليات اْحلال وتجديد وتغيير فى حياته , سؤالى ليكم يا ترى موبيلك ومكتبك وشنطتك ودؤلابك بيمثلوللك ايه ؟ انا لما جبت جيد جدا فى الفرقة الرابعه حسيت انى مكتبى مبسوط وبقى فخور انى رديتله اعتباره على اعتباره ان اشرف قطعة اْثاث فى البيت عندى , , على فكرة التدوينة ده كانت قديمة لقيتها وسط كتاب كنت بتصفح فيها وعلى فكرة نفذت كل الطلبات ما عدا اللوحة اللى هتبقى تغير فى ايدلوجتيى ورؤيتى للمستقبل , وشنطتى كمان بقت شنطة باحث ملتزم بجد , اما المكتبة فبصراحة لسه مش اشتريت واحدة لحد دلوقتى